Actívase a extensión da gratuidade do autobús interurbano a todos os menores de 21 anos a través da tarxeta Xente Nova nas áreas de transporte metropolitano
Os usuarios da tarxeta ‘Xente Nova’, tal e como vén funcionando dende a súa posta en marcha en 2016, poderán realizar de balde un total de 60 viaxes mensuais no transporte público regular por estrada.
Esta gratuidade superará este ano o actual ámbito territorial das Áreas de Transporte Metropolitano e resultará de aplicación en calquera viaxe interurbana que se efectúe en calquera concello da comunidade galega.
A extensión territorial a toda a comunidade realizarase de xeito progresivo, consonte coa programación que aprobará a Xunta de acordo co proceso de dotación de máquinas canceladoras nos novos contratos de transporte.
A poboación obxectivo final de xuventude destinataria, unha vez que se implante en toda Galicia, é de máis de 372.000 persoas, fronte ás máis de 55.500 que na actualidade xa están a utilizar esta tarxeta.
A Xunta tamén avanzará na innovación tecnolóxica, implantando unha tarxeta virtual a través dos teléfonos móbiles, que poderá complementar ou substituír aos actuais dispositivos.
Programa social
Esta iniciativa ten unha compoñente social coa que o Goberno galego busca contribuír á economía das familias, aliviando os gastos que ata o de agora lle podía supoñer o transporte metropolitano dos seus fillos.
A citada iniciativa tamén ten unha vertente educativa, ao facilitar o acceso á formación non obrigatoria, estendendo a gratuidade do transporte aos centros educativos e tamén a outros desprazamentos habituais dos mozos.
A medida contempla ademais o factor de sensibilización e concienciación, xa que coa tarxeta ‘Xente Nova’ foméntase entre os máis novos o uso do transporte público e dunha mobilidade sustentable e respectuosa co medio.
Esta gratuidade superará este ano o actual ámbito territorial das Áreas de Transporte Metropolitano e resultará de aplicación en calquera viaxe interurbana que se efectúe en calquera concello da comunidade galega.
A extensión territorial a toda a comunidade realizarase de xeito progresivo, consonte coa programación que aprobará a Xunta de acordo co proceso de dotación de máquinas canceladoras nos novos contratos de transporte.
A poboación obxectivo final de xuventude destinataria, unha vez que se implante en toda Galicia, é de máis de 372.000 persoas, fronte ás máis de 55.500 que na actualidade xa están a utilizar esta tarxeta.
A Xunta tamén avanzará na innovación tecnolóxica, implantando unha tarxeta virtual a través dos teléfonos móbiles, que poderá complementar ou substituír aos actuais dispositivos.
Programa social
Esta iniciativa ten unha compoñente social coa que o Goberno galego busca contribuír á economía das familias, aliviando os gastos que ata o de agora lle podía supoñer o transporte metropolitano dos seus fillos.
A citada iniciativa tamén ten unha vertente educativa, ao facilitar o acceso á formación non obrigatoria, estendendo a gratuidade do transporte aos centros educativos e tamén a outros desprazamentos habituais dos mozos.
A medida contempla ademais o factor de sensibilización e concienciación, xa que coa tarxeta ‘Xente Nova’ foméntase entre os máis novos o uso do transporte público e dunha mobilidade sustentable e respectuosa co medio.
Rede CeMIT